Ultimate magazine theme for WordPress.

कुलमानले लोडसेडिङ हटाए, ओलीले कुलमान हटाए : डा. बाबुराम भट्टराई

110

कुलमानले लोडसेडिङ हटाए, ओलीले कुलमान हटाए : डा. बाबुराम भट्टराई काठमाडौं। प्रधानमन्त्री केपी शर्मा ओलीले सरकारको तीन वर्षे कार्यकालको उपलब्धीहरुको सूचिमा लोडसेडिङको अन्त्य गरिएको विषय पनि समावेश गरेपछि त्यसको चौतर्फी आलोचना भएको छ।

पूर्वप्रधानमन्त्री एवं जनता समाजवादी पार्टीका संघीय परिषद अध्यक्ष डा. बाबुराम भट्टराईले कुलमान घिसिङले लोडसेडिङ हटाएको र ओलीले कुलमान हटाएको भन्दै प्रधानमन्त्रीलाई व्यंग गरेका छन्। सामाजिक सञ्जालमा भट्टराईले लेखेका छन्, कुलमानले लोडसेडिङ हटाए, ओलीले कुलमानलाई हटाए, त्यसैले ओलीले लोडसेडिङ हटाए। यसलाई भनिन्छ ‘थ्योरी अफ ट्रान्सीटिभिटी।’

२०७४ फागुन ३ गते तत्कालिन नेकपा (एमाले) का अध्यक्ष ओलीको नेतृत्वमा अत्यधिक बहुमतको सरकार बनेको थियो। सरकारले आफ्नो तीन वर्षे कार्यकालका उपलब्धीहरुलाई समेटेर सोमबार प्रगति बिवरण सार्वजनिक गरेको थियो। तर, सरकारको प्रगति बिवरण पनि विवादरहित हुन सकेन।

सोमबार ओलीले सिंहदरबारमा पत्रकार सम्मेलन गर्दै उपलब्धीहरुको लामो फेहरिस्त पेश गरेका थिए। सरकारलाई काम गर्न संसद र आफ्नै दल बाधक रहे पनि आफ्नो कार्यकालमा अद्धितीय उपलब्धी हासिल भएको ओलीको दावी छ।

उपलब्धीको सूचिमा ओलीले आफ्नै कार्यकालमा लोडसेडिङको अन्त्य गरेको अत्यन्तै झुटो बिवरणसमेत समावेश गरेका छन्। उनले आफ्नो पहिलो कार्यकालको सरकारले लोडसेडिङ हटाउने योजना बनाएको र त्यो सफल भएको दावी गरेका छन्।

तर, यथार्थ भने त्यसको बिल्कूल विपरित रहेको भन्दै उनको आलोचना भइरहेको छ। ओलीले लोडसेडिङ होइन, चिलिमे आयोजनामा हुँदा उनकै निर्देशनमा तत्कालिन उर्जामन्त्री राधा ज्ञवालीले कुलमान घिसिङलाई जिम्मेवारीबिहीन बनाएकी थिइन्। २०७३ साउनमा तत्कालिन अबस्थामा सरकार परिवर्तन भएपछि घिसिङलाई विद्युत प्राधिकरणको कार्यकारी निर्देशक बनाइएको थियो।

प्रचण्ड नेतृत्वको सरकारमा उर्जामन्त्री जनार्दन शर्माले घिसिङलाई काम गर्ने वातावरण सिर्जना गरिदिएका कारण लोडसेडिङ हटाउने चुनौतीपूर्ण काममा सफलता मिलेको थियो। त्यसअघि प्रधानमन्त्री प्रचण्डले मुकेश काफ्ले लगायत प्राधिकरणका पूराना अनुहार हटाउन कांग्रेस सभापति देउवालाई कन्भिन्स गरेका थिए। यी सबै उपलब्धीहरुको जगमा अघिल्लो नेतृत्वको सरकारकै कार्यकालमा लोडसेडिङको अन्त्य भएको थियो।

वामदेवलाई ओलीको नयाँ प्रस्तावः चुनाव वैशाखमै हुन्छ, गृहमन्त्री बन्नुस् प्रधानमन्त्री केपी शर्मा ओलीले वामदेव गौतमलाई फेरि चुनावी सरकारको उपप्रधान तथा गृहमन्त्री बन्न प्रस्ताव राखेका छन्। नेकपाको विवाद उत्कर्षतिर पुगेदेखि नै वामदेवलाई प्रधानमन्त्री, पार्टी अध्यक्ष, उपप्रधानमन्त्रीसहित अनेक प्रस्ताव गर्दै आएका ओलीले अहिले फेरि नयाँ प्रस्ताव राखेर आफ्नो पक्षतिर तान्न खोजेका हुन्।

पार्टी विभाजनपछि ओली र प्रचण्ड–नेपाल नेतृत्वको दुवै समूहमा नलागेर नेकपालाई पुनः एकीकृत गर्ने भन्दै एकता अभियान सुरु गरेका छन् गौतमले। यही बेला ओलीले आइतबार सरकारी निवास बालुवाटारमा बोलाएर गौतमलाई वैशाखमै चुनाव हुने भन्दै गृहमन्त्री बन्न आग्रह गरेका हुन्। गौतमनिकट एक नेताका अनुसार भेटमा उनले प्रधानमन्त्री ओलीलाई केही प्रतिप्रश्न गरेका थिए।

चुनाव गराउँछु भन्दै हिंडेका प्रधानमन्त्री ओलीलाई गौतमको एउटा प्रश्न थियो– असार ५ गतेभित्र निर्वाचन गर्न नसकेको अवस्थामा के गर्नुहुन्छ? जवाफमा ओलीले वैशाखमा जसरी पनि चुनाव हुने दाबी गरे। र, थपे– कुनै अन्यौल नराखी चुनावी सरकारको उपप्रधानमन्त्री तथा गृहमन्त्रीको जिम्मेवारी सम्हाल्न आउनुस्।

‘उहाँले प्रधानमन्त्रीसँग असार ५ गते संसद् विघटन गरेको ६ महिना पुग्छ, असार ५ गतेभित्र चुनाव गराउन सक्नुभएन भने के गर्नुहुन्छ भनेर प्रश्न गर्नुभएको थियो,’ गौतम निकट ती नेताले भने, ‘प्रधानमन्त्रीले वैशाखमा जसरी पनि चुनाव हुन्छ भन्नु भएको छ। तपाईंसँग चुनाव गराएको अनुभव पनि छ त्यसैले उपप्रधानमन्त्री र गृहमन्त्री बन्नुहोस् भनेर प्रस्ताव राख्नु भएछ।’

आइतबारको भेटमा ओली र गौतमबीच चुनाव र पार्टीको विषयमा डेढ घण्टा छलफल भएको थियो। ‘पार्टी एकता अभियानको क्रममा गौतमले प्रचण्ड र ओली दुवैसँग संवाद जारी राख्नुभएको छ,’ ती नेताले नेपालखबरसँग भने।

गौतमले यसबीचमा प्रचण्ड–नेपालतर्फका घनश्याम भुसाललगायत केही नेताहरुसँग परामर्श गरिरहेका छन्। ओलीसँग भेट्नुअघि गौतमले शनिबार पुष्पकमल दाहाल प्रचण्डसँग टेलिफोनमा कुराकानी गरेका थिए। र, सोधेका थिए– चुनाव भयो भने कसरी जानुहुन्छ?

‘संसद् पुनर्स्थापना हुन्छ, त्यसपछि पार्टी एकीकरण हुने सम्भावना बढ्छ’, गौतमलाई प्रचण्डको जवाफ उधृत गर्दै ती नेताले भने। गौतमका प्रेस संयोजक विश्वमणि सुवेदीले भने ओलीको तर्फबाट गृहसहित उपप्रधानमन्त्री बन्ने प्रस्ताव पहिले पनि आइसकेको बताए।

‘उपप्रधानमन्त्री र गृहमन्त्री बन्ने प्रस्ताव त यसअघि नै पटक पटक आएकै हो। अब फेरि उपप्रधानमन्त्री हैन पार्टी एकता भएपछि प्रधानमन्त्री नै बन्ने उहाँको योजना छ’, सुवेदीले भने, ‘आइतबार भएको भेटको विषयमा त गौतमले केही बताउनु भएको छैन।’

प्रधानमन्त्री ओलीले पुस ५ गते प्रतिनिधि सभा विघटन गरेपछि सत्तारुढ दल नेकपा अहिले विभाजित छ। एकीकृत नेकपामा उपाध्यक्ष रहेका गौतमले पछिल्लो समय पार्टी एकताका लागि राष्ट्रिय अभियान सञ्चालन गर्दै आएका छन्। उनले माघ १४ गते सो अभियानको घोषणा गरेका हुन्।

‘अहिलेसम्म २३ वटा जिल्लामा एकता अभियान समिति गठन भएको छ’, एकता अभियानका सहसंयोजक हरि पराजुलीले नेपालखबरसँग भने, ‘अबको १५ दिनपछि प्रदेशस्तरमा एकता अभियान भेला सुरु हुनेछ। त्यस बेलासम्ममा सर्वोच्च अदालतको फैसला पनि आउँछ।’